Spread the love

ஆகஸ்ட் 14, 2020: மனைவி சஷி யிற்கு பத்திரங்களை மோசடி செய்ததன் மூலம் ‘கள்ள பாஸ்போர்ட்’ தயாரித்ததாக நீதிமன்றத்தில் ஒத்துக்கொண்ட, குடிவரவு-குடியகல்வுப் பணிப்பாளர் சூளானந்த பெரேராவைத் தனது அமைச்சின் செயலாளராக்கியிருக்கிறார் அமைச்சர் வீரவன்ச.

தனது மனைவிக்கு ராஜதந்திரிகளுக்கு வழங்கும் விசேட கடவுச்சீட்டொன்றை வழங்கும்படி வீரவன்ச கேட்டிருந்தார் என்றும், அதற்கான விண்ணப்பத்தில் மனைவி சஷி தவறான பிறப்புத் திகதியை இட்டிருக்கிறார் எனத் தெரிந்தும் தான் அவ்வேண்டுகோளை நிறைவேற்றியதாகவும் பெரேரா முன்னர் வாக்குமூலம் அளித்திருந்தார். வழக்கு இப்போது நீதிமன்ற விசாரணைக்குச் செல்கிறது.

இது தொடர்பாக பெரேரா, திருமதி வீரவன்சவைக் குற்ற விசாரணைப் பிரிவிற்கு முறைப்பாடு செய்திருக்கவேண்டுமெனினும் தான் மனிதாபிமான காரணங்களுக்காக அப்படிச் செய்யவில்லை என நீதிமன்றத்துக்குத் தெரிவித்துள்ளார்.

இந் நிலையில், குற்றம்சாட்டப்பட்ட மனைவிக்கு உதவி செய்த ஒருவரைத் தனது அமைச்சின் செயலாளாராக்குவது எப்படி என அமைச்சர் வீரவன்ச மீது கேள்விகள் எழுந்துள்ளன.

Print Friendly, PDF & Email
Related:  கிழக்கின் தொல்லியல் பணிக்குழுவில் மேலும் நான்கு புத்த பிக்குகள்
வீரவன்சவின் மனைவிக்கு ‘கள்ள பாஸ்போர்ட்’ தயாரித்தவர் அமைச்சுக்குச் செயலாளராகிறார்

வீரவன்சவின் மனைவிக்கு ‘கள்ள பாஸ்போர்ட்’ தயாரித்தவர் அமைச்சுக்குச் செயலாளராகிறார்